MUNDIBURDIA

MUNDIBURDIA

apud Ughellum passim, Diplomata sunt Regum ac Imperatorum, quibus Ecclesiae ac Monasteria, in eorum mundiburdio ponuntur. Est autem mundiburdium, apud medii aevi Scriptores, defensio, tutela, protectio. a Saxonico mundius, seu mundio, vulgo mond-boor, mond-baer et mom boor, i. e. Patronus, defensor, tutor. Spelmannus Glossar. Radix, mund, i. e. pax. securitas, tutela, tuitio, patrocinium, defensio. Et quidem apud Longobardos, quaevis feminae in mundio erant; puellae nempe in mundio ac tutela parentum, vel si deessent, agnatorum: feminae vero nuptialia iugo devinctae, in mundio maritorum, L. Longob. l. 2. tit. 10. etc. Vide quoque in voce Manburnus.